सियारि गाउँपालिका कपाल बैंक उद्घाटन र १५औं कपिलवस्तु महोत्सवमा आईतबार राजेश हमाल आउँदै
१५औं कपिलवस्तु महोत्सवमा नेपाली चलचित्रका महानायक राजेश हमाल आउँदै छन् । हमाल महोत्सवमा मंसिर २३ गते अर्थात आईतबार आउन लागेका हुन् सो अवसरमा रुपन्देहीको सियारी गाउँपालिका र कपिलवस्तुको वाणगंगा नगरपालिकामा कपडा बैंक उद्घाटन कार्यक्रम तय गरिएको कपडा बैंक केन्द्रिय अध्यक्ष कमल जि सी ले बताउनु भएको छ ।अहिले राजेश हमाल बुटवल आइसक्नु भएको केन्द्रिय अध्यक्ष जि सीले बताउनु भयो।कपिलवस्तु उद्योग बाणिज्य संघका अध्यक्ष समेत रहेका महोत्सवका संयोजक गणेश बहादुर क्षेत्रीले यस क्षेत्रमा स्थापना हुन लागको कपडा तथा खाद्यान्न बैंकको उद्घाटन गर्नका लागि हमाल १५औं कपिलवस्तु महोत्सवमा आउन लागेको स्पष्ट पारे ।
उनका अनुसार महानायक हमालले कपडा तथा खाद्यान्न बैंकको उद्घाटन गर्नुका साथै महोत्सवमा आफ्नो प्रस्तुति समेत राख्ने छन् ।
उनले सो शुभकार्यमा सबै कपिलवस्तुवासीलाई सरिक हुनका लागि महोत्सवमा आई अवलोकन गर्न आह्वान समेत गरे ।
बुधबार आज उद्घाटन गरिएको यस महोत्सवमा २ लाख दर्शन भित्राउँदै करिब १० करोडको आर्थिक कारोबार गर्ने आयोजकले लक्ष्य लिएको छ ।
कपिलवस्तु उद्योग बाणिज्य संघको आयोजनामा मंसिर १९ गतेदेखि सुरु भएको १५औँ कपिलवस्तु महोत्सव कृषि पर्यटन तथा औद्योगिक प्रदर्शनी आगामी पुष २ गतेसम्म चल्ने छ ।
