तिहार बिदामा पनि लुम्बिनी केबलकार निरन्तर सञ्चालनमा

तिहार बिदामा पनि लुम्बिनी केबलकार निरन्तर सञ्चालनमा
बुटवल कार्तिक –१५
लुम्बिनी प्रदेशको पहिलो एवं युरोपियन प्रविधिबाट निर्मित रुपन्देहीको बुटवलमा अवस्थित लुम्बिनी केबलकार दीपावली अवधिभर नियमित रुपमा सञ्चालन हुने भएको छ । लुम्बिनी केबलकारले आज एक सूचना प्रकाशित गरी केबलकार दीपावली अवधिभर (भाइटीकाको दिन समेत) नियमित सञ्चालनमा रहेको जानकारी गराएको हो ।
लुम्बिनी केबलकार नियमित रुपमा प्रत्येक दिन बिहान ८ः३० बजेदेखि साँझ ७ बजेसम्म सञ्चालन हुने गरेको लुम्बिनी केबलकारका म्यानेजर प्रज्वल घिमिरेले जानकारी गराउनु भयो ।
लुम्बिनी केबलकारको यात्रामा ३ फिट सम्मका बालबालिका र परिचय पत्रको आधारमा ८० वर्ष भन्दा बढी उमेर समूहका जेष्ठ नागरिकहरुलाई पूर्ण छुटको व्यवस्था रहेको छ भने विद्यार्थीहरुलाई ४० प्रतिशत स्थानीयलाई ५० प्रतिशत छुटको व्यवस्था गरेको छ