बुटवलको मिलनचोकस्थित न्यू अर्घाखाँची लुम्बिनी होटल एन्ड लजमा शनिबार एक पुरुषको रहस्यमय मृत्यु भएको छ ।
प्रहरी नायब उपरीक्षक (डीएसपी) इन्द्रबहादुर रानाका अनुसार शनिबार दिउँसो एक महिलासहित होटल पुगेका थिए । उनीहरू दुई बच्चासहित होटल पुगेका र दोस्रो तथा तेस्रो तलामा दुईवटा कोठा बुक गरेको प्रारम्भिक अनुसन्धानबाट खुलेको छ ।होटल सञ्चालकका अनुसार उनीहरूले कोठामै खाजा मगाएर खाएका थिए । त्यसपछि सो पुरुष बेहोस भएको भन्दै उनीसँगै पुगेकी महिलाले होटल सञ्चालकलाई जानकारी गराएकी थिइन् तत्काल एम्बुलेन्समार्फत लुम्बिनी प्रादेशिक अस्पताल पुर्याइएको थियो, तर चिकित्सकले उनलाई मृत घोषणा गरेका थिए । बाहिरी चोटपटक केही नदेखिएको र मृत्युको कारणबारे अनुसन्धान भइरहेको डीएसपी रानाले बताए ।
उनका अनुसार मृतकसँग बसेकी महिला बुटवल–२ पाखापानीकी ३० वर्षीया सुनार थरकी हुन् । “बाहिरी चोटपटक छैन, मृत्युको कारण खुल्न बाँकी छ,” डीएसपी रानाले भने ।
अनुसन्धानमा संलग्न टोलीका अनुसार उनीहरूले माथिल्लो तलाको कोठामा बसेर मासु र मदिरा सेवन गरेपछि तल्लो तलाको कोठामा सरेका थिए ।
घटनास्थलमा पुगेका होटल तथा रेस्टुरेन्ट व्यवसायी संघ रुपन्देहीका अध्यक्ष माधवप्रसाद खनालले मृत्युको कारण अहिलेसम्म नखुलेको जानकारी दिए ।
होटलका सञ्चालक शेरबहादुर रेस्मी मगर रहेका छन् । प्रहरीका अनुसार घटनाको विस्तृत अनुसन्धान भइरहेको छ ।श्रोत खबर कुरा ।।
