गुल्मीको मुसिकोट नगरपालिका वडा नं १ बिसौनामा पहिरोले घर बगाउँदा ४ जनाको मृत्यु भएको छ ।
स्थानीय बिष्णु बि.क र हुकुम बि.कको घरमा माथिबाट आएको लेदो सहितको पहिरोले घर पुरिँदा ४ जनाको घटनास्थलमै ज्यान गएको पत्रकार माधव खरेलले जानकारी दिनुभयो । पहिरोमा परी २ जना घाईते भएका छन् । घाईते दुई श्रीमान श्रीमती हुन् ।
अहिले घटनास्थलमा उद्धारको काम जारी छ । घाईते २ जनालाई उद्धार गरी उपचारका लागि लगिँदै गरेको बताईएको छ । घटनास्थलमा मोटरबाटो पनि नजाने भएकाले उद्धारका लागि समस्या भएको स्थानीय बिष्णु फुल्लेले बताउनुभयो । घटनाबारे विस्तृत विवरण आउन बाँकी छ ।
यता अबिरल वर्षापछिको पहिरोले बागलुङमा एक जनाको ज्यान गएको छ ।
बागलुङ जिल्लाको बडिगाड गाउँपालिका–९ नयाबस्ती बलघासमा पहिरोले पुर्दा १५ वर्षका विधान परियारको मृत्यु भएको बागलुङका सहायक प्रमुख जिल्ला अधिकारी चित्राङ्गत बरालले जानकारी दिनुभयो ।
